Haust på museet!

På Sunnhordlandstunet kan ein sjå mange ulike og spanande trykksaker på papir som er henta fra vår kulturhistorie på 1900-talet. I samlinga vår finn ein òg trykk på tekstil – mellom anna eit bunadsforklede laga av sjølvaste Engel Astrup! Ho lærte seg korleis ein kunne skjære ut mønster i treblokker som ho trykka med på linstoff.  

I haustferien vil museet nok ein gong invitere barn og unge til å skape sine eigne trykksaker i verkstaden «Sild & potet». Her får ein prøve stempeltrykk på papir og utforme sine eigne hermetikketikettar, samt lage sine eigne potettrykk som ein kan trykke mønster med på tekstil i bomull.

Stord husflidslag stiller med symaskinar og kyndig rettleiing til vidare saumarbeid på dei trykte tekstilane.

I tillegg til aktivitetar i trykkeverkstaden kan små og store få prøve seg i byggjeverkstaden i Hatlandsløa. Der kan ein få byggje rom- og huskonstruksjonar i laft!

Verkstadaktivitetar:

Tysdag 7. oktober kl. 11:00 – 14:30

Onsdag 8. oktober kl. 11:00 – 14:30

Torsdag 9. oktober kl. 11:00 – 14:30

Pris: 100,- for barn og ungdom. Vaksne går gratis i lag med barn og unge desse dagane.

Elles ordinær billett for dei som berre vil besøke utstillingane.

Det vil bli ope i museumskaféen med sal av vaflar, kaffi/ te og saft.

Fredag 10. oktober held me ordinær opningstid frå kl. 11:00 – 15:00 med ope i museumskaféen og i utstillingane.

Escaperommet i haustferien: ta kontakt for speletider på post@sunnhordland.museum.no