Sunnhordland museum er eit regionalt museum som har ansvar for åtte kommunar i Sunnhordland; Austevoll, Bømlo, Etne, Fitjar, Kvinnherad, Stord, Sveio og Tysnes. Museet eig også eit historisk tun i Ølen, Vindafjord.
Museet har ansvar for å dokumentere regionen si historie gjennom innsamling, bevaring, forsking og formidling. Museet skal fremja interesse for kunnskap om fortida, samt dyrke innbyggarar og besøkande si interesse for regionhistoria.
I tillegg til dette tilbyr museet òg fleire rådgivingstenester for innbyggarane i regionen innanfor fagfelta bygningsvern, samlingsforvaltning, formidling og bevaring.
Sunnhordland museum forvaltar 41 antikvariske bygningar, ei stor gjenstadssamling, samt foto- og privatarkivsamlingar. Museet arbeider med mange historiske fagfelt som strekkjer seg frå mellomalderen på Halsnøy kloster til den tradisjonelle fiskar- og bondekulturen og tidlege industrialiseringa i Sunnhordland.
Sunnhordland museum sitt administrasjonsbygg ligg i Leirvik sentrum, avdelinga heiter Sunnhordlandstunet (ta kontakt)
Museet har òg fleire publikumsopne avdelingar som Halsnøy kloster (Kvinnherad) og Sæbøtunet (Etne).
Sjå dokumentasjon av ulike gjenstandar frå samlinga vår: Sunnhordland museum i DigitalMuseum.
Besøk utanom opningstid:
For grupper over 15 personar. Er det mindre personar i ei gruppe, vert prisen rekna for 15 personar.
Prisar for omvisingar utanom sesong, for andre opplegg og grupper utanom opningstidene: ta kontakt med museet.
Leige av lokale?
Me har fleire lokale til leige, både på Sunnhordlandstunet og Halsnøy Kloster.