Sunnhordlandstunet i den flotte Vidstenparken på Stord er besøks – og administrasjonssenter for Sunnhordland museum.
På museumstunet er det samla 11 bygg frå ulike stader i Sunnhordlandsregionen. Tunet var opprinneleg tenkt som eit stort og sentralt bygdetun med dei eldste og finaste bygningane i distriktet, men museet gjekk alt i mellomkrigstida bort frå denne tanken, og ville heller verna tun og bygningar i deira opphavlege miljø. I tunet kan du sjå nærare på ei røykstove, truleg frå 1500-talet, eller ei glas- og lemstove frå 1650. I tillegg er smie, stabbur, eldhus, løe, strandsitjarstove, krambu og skulehus representert på tunet.
I museet sitt hoved bygg kan du vandra i utstillingane, bestille ei omvising ute på tunet, besøka vårt escaperoom eller delta på eit av våre mange arrangement gjennom året.
