Vandreutstilling «Det starta med Silda»
Sunnhordland museum turnerar i Sunnhordland med vandreutstillinga «Det starta med Silda». Fram til 16. januar er den å finna på Kvinnherad bibliotek.
Sunnhordland si industrihistorie er spennande, og det meste starta med det rike sildefisket på 1900-talet. Båtbygginga skaut fart i heile kommunen, for behovet for nye og større båtar til fiske og frakt var stort. Slippar og verkstader tok seg av reparasjon og ombygging av båtane. Vårsildfisket og brislingfisket skapte grunnlag for store hermetikkfabrikkar, men også for småindustri som bøkkring og fiskekassebygging.
Utstillinga «Det starta med silda» handlar om fiskeri og maritimt næringsliv i Sunnhordland i tida 1900-2021, og er ei vandreutstilling basert på materialet i Sunnhordland årbok 2019 med same namn.
Utstillinga er gratis, og står til 16. januar 2022.
Det er gratis inngang og ope i biblioteket sine opningstider tysdag – laurdag.
