Vår rådgjevar innanfor bygningsvern skal gå av med pensjon og vi leitar no etter hans erstattar. Vi ser etter deg som vil trivast i eit spennande og utviklande fagmiljø, og som brenn for å ta vare på kulturhistoria i Sunnhordland.
Viktige oppgåver vil vera å gje rådgjevingstenester til eigarar og forvaltarar av eldre og verneverdige bygningar i Sunnhordlandsregionen, samarbeida med forvaltninga i Sunnhordlandskommunane og andre aktørar, formidlingsoppgåver knytt til bygningsvern og ha det overordna faglege ansvaret for museet sine verneverdige bygningar.
Sentrale arbeidsoppgåver:
- Gje fyrstegongs rådgjeving til eigarar og forvaltarar av eldre og verneverdige bygg i Sunnhordlandsregionen
- Utarbeida kulturminnefaglege fråsegner
- Gje råd og rettleiing om lokale, regionale og nasjonale tilskotsordningar
- Formidla kunnskap om bygningsvern gjennom kurs, temamøter og media
- Bidra til god kvalitet på museet si forvaltning av bygg og anlegg
- Overordna fagleg ansvar for tilstandsvurdering, planarbeid og dokumentasjon av museet sine bygg.
- Delta i nettverksarbeid
- Bidra i den daglege forvaltninga/vedlikehaldet av museet sine bygg ved behov
Utdanning og kompetanse:
- Relevant utdanning innan bygningsvernrelaterte fag på høgskule eller universitetsnivå
- Erfaring og kompetanse innan fagfeltet
- God munnleg og skriftleg formidlingsevne
- Erfaring med rådgjeving og arrangementsorganisering
- Erfaring med prosjektleiing og økonomistyring
- Erfaring frå kulturmiljøforvaltning , kulturminnevern eller museum
- Kjennskap til relevante lovar og regelverk innan bygningsvern og byggeprosjekt
- Erfaring med tilstandsvurdering, dokumentasjon, finansiering og søknadsskriving
- Kunnskap om arkitektur og byggeskikk
- Søkjar må minimum ha førarkort klasse B
Kvalifikasjonar
Vi ser etter deg som er positiv, initiativrik og engasjert. Du brenn for faget og evnar og arbeida effektivt med fagleg høg kvalitet, både sjølvstendig og i samarbeid med andre. Personlege eigenskapar vil bli vektlagt. Fleire fagbakgrunnar kan vere relevante for stillinga, og vi kjem derfor til å sjå på kva søkjar ut frå ei heilskapleg vurdering av erfaring, kompetanse og personlege eigenskapar.
Vi tilbyr
- Interessant og variert stilling i eit spennande tverrfagleg miljø
- Moglegheit for å delta på relevante kurs
- Varierte oppgåver med stor friheit til å legga opp eigne arbeidsdagar
- Fleksibel arbeidstidsordning
- Mobiltelefonordning
- Lønn etter avtale, basert på landsovereinskomsten for museum (Virke).
- God pensjonsordning
Tiltreding: Etter avtale
Søknaden skal inneholde søknadsbrev, CV og eventuelle andre vedlegg.
Søknadsfrist: 15. April til linda.oen@sunnhordland.museum.no
For spørsmål kan ein ta kontakt med direktør Linda Øen: 97067136
