Halsnøy kloster
På øya Halsnøy i innløpet av Hardangerfjorden, Kvinnherad kommune ligg ruinane etter eit Augustinerkloster bygd kring 1300. Men klosterdrifta på staden kan sporast attende heilt til 1100-talet.
Halsnøy Kloster er i dag eit av fleire historiske tun i Sunnhordland museum sine samlingar og blir drifta som eigen avdeling, som museum og ein aktiv kulturarena. Gjennom heile året finn du små og store tilskipingar som omvisingar, utstillingar, føredrag, konsertar og den årlege «klosterdagen» med rikt program for store og små. Museet har eigne undervisningsopplegg for skulane.
Det er også mogleg å leiga lokale på Halsnøy kloster til møte og andre arrangement. Klosteret er godkjend som vigslingsstad, og blir brukt både av Den norske kyrkja og Human-etisk forbund.
Det er ope på klosteret tysdag, onsdag og torsdag, året rundt, med utvida opningstider i sommarsesongen.
Halsnøy Kloster er også del av Riksantikvaren sitt ruinprosjekt, som går fram til 2020.
Meir om Halsnøy kloster finn du på klosterets eiga nettside her: Halsnøy Kloster.